آو عليكم!
السلام عليكم والله لا مليحة هذي المبادرة اللي درتوها خاوتي تحيات من الشلف تحيا الجزائر.
فكرة مليحة لاكون تخلوه يسيبورتي الفرانكو، هذيك تاع العين 3 والقاف 9 لاكون discord bot يقرا ليميساج اللي بالفرونسي كاسي نولي وأخيرا نقدر نهدر في servers تاع دزيريين
توضيح:أنا مكفوف ونخدم بscreen reader تسما ذوك الأرقام يتقراو أرقام مثلا 7mdlh يقراها seven em dee el eitch
الفايدة والحاصول:نقعد قرن وزمارة باش نحلل واش راه يقول ونكون فوتت وحد ال70 messages الناس تهدر وانا حاصل في جملة وحدة الله المستعان.
BTW, عندكم ديسكورد للcommunity تاع الدزيريين المهتمين بالai in general والtts خصوصا؟ يا جدك راني نفضفض كيشغل راني في الغربة، أياياياي
والسلام عليكم ورحمة الله وبركاته.
أزول مبروك علينا كامل. فرحتونا بالبزاف. آنتيك خو. ربي يعاونك.
ثانميرث ، فيلامان.
وعليكم السلام ورحمة الله وبركاته
بارك الله فيك خويا، والله تعليقك فرحنا بزاف وزاد عطانا دافع نكملو. 🙏
شكراً لأنك شاركتنا تجربتك. بصراحة، النقطة تاع دعم الـ Franco (كيف 3، 7، 9...) مهمة جداً، وخاصة بعد ما فهمنا كيفاش تأثر عليك وعلى الناس اللي يستعملو Screen Reader. إن شاء الله نحطوها ضمن الأولويات باش نسهلو التواصل أكثر، خصوصاً في Discord والسيرفرات الجزائرية.
الهدف من KasbahTTS عمره ما كان تجاري فقط، وإنما نبنيو تقنية تخدم الناس فعلاً وتحل مشاكل حقيقية، وتعليقك أكد لنا بلي كاين احتياج كبير لحلول كيما هذي.
وبالنسبة للـ Discord، حالياً مازال ما عندناش Community رسمي، لكن راهي في الخطة وإن شاء الله نطلقوه قريب باش يجمع المهتمين بالذكاء الاصطناعي، الـ TTS، والـ Open Source في الجزائر. كي يكون جاهز نعلن عليه هنا بإذن الله.
شكراً مرة أخرى خويا، وربّي يوفقك ويعينك. وإذا كان عندك أي اقتراحات أخرى، مرحباً بيها في أي وقت. ❤️🇩🇿
الله يحفظكم، الله أعلم إذا راح تجيني notification كي تannounceو الserver.
ماقدرتش نسمع الsamples تاع هذا الموديل، آسك تقدروا تديرو hugging face space باش نتاستوه ولا تشوفو وين راه المشكل في الsamples? راني سييت مرتين في أوقات مختلفة وماقدرت نسمع حتى واحد. الله يجازيكم.